اہل بیت(ع) نیوز ایجنسی۔ابنا۔ رہبر معظم انقلاب اسلامی ‘حضرت آیت اللہ العظمی امام خامنہ ای’ کی صدارت میں ماہ مبارک رمضان کے پہلے روز میں تین گھنٹے سے زائد محفل انس با قرآن اور قرائت منعقد ہوئی.
رہبر انقلاب کے دفتر کی ویب سائٹ کے مطابق، یہ نورانی محفل قرآن مجید کی معنویت اور عطر سے معطر تھی اس نورانی محفل میں ملک بھر کے ۱۵ حافظوں اور قاریوں نے قرآن مجید کی آیات کی تلاوت کا شرف حاصل کیا اور گروپ کی شکل میں بھی بعض گروہوں نے اللہ تعالی کی حمد و ثنا کو بیان کیا.
رہبر انقلاب نے اس تقریب میں ایرانی قراء کی روز افزوں پیشرفت کو مکمل طور پر واضح اور نمایاں قرار دیا اور اچھی آواز کو قرآن کے معانی و مفاہیم کو مخاطبین کے ذہن میں منتقل کرنے کا مقدمہ قراردیتے ہوئے فرمایا کہ: معاشرے میں قرآن مجید کو زیادہ سے زیادہ مؤثر بنانے کی راہیں بہت زیادہ ہیں اور قرآن مجید کی قرائت کے مؤثر ہونے کے لئے ضروری ہے کہ خود قاری بھی جن آیات کی تلاوت کا شرف حاصل کررہا ہے ان کے معانی اور مفاہیم پر دل کی گہرائی کے ساتھ یقین رکھتا ہو.
رہبر انقلاب نے اسی سلسلے میں فرمایا کہ: قرآن مجید کے مفاہیم کو منتقل کرنے کے لئے قاری، قرآن مجید کے بعض کلمات پر چند بار تاکید کرسکتے ہیں.
رہبر انقلاب نے آیات کے چند بار تاکید میں افراط سے پرہیز کرنے پر تاکید کرتے ہوئے فرمایا کہ: قرآن مجید کی قرائت کے مؤثر ہونے کے لئے قرائت کے وقت لحن کے حدود کی رعایت بھی ضروری ہے.
رہبر انقلاب نے قرآن مجید کے تمام دوستوں اور قاریوں کو ایک اور سفارش کرتے ہوئے فرمایا کہ: بعض کلمات اور آیات کو طولانی ادا کرنا ضروری نہیں ہے اور اس کے ساتھ حد سے زیادہ اور عرف سے خارج تشویق کی بھی کوئی ضرورت نہیں ہے.
۔
